PRÓXIMAS ACTUACIÓNS:
Nova estrea de Máscara Produccións.
"Por diante e por detrás"
Elenco Artístico:
BIEITO e LUCAS.............................MARCO ALVAREZ
ANA e LAURA.................................MARÍA ÁLVAREZ LAGARÓN
LOIS..................................................XEROME CALERO
CHELO..............................................VERÓNICA CODESIDO
SRA. COUTO e SOFÍA....................BEATRIZ MÍGUEZ
FELIPE e FRANCIS.........................BENI A. CORREA
VANESA e LORENA........................MERCHI ALONSO
TETÉ..................................................ISAURA VILAS
DIRECCIÓN........XEROME CALERO E ANTÓN CASAL
A NOSA TERRA
STRÓMBOLI: Reflexións desde a Galiza sobre "cuestións palpitantes ou non tanto".
http://cidadamonbac.blogspot.com/2009_11_01_archive.html#7323954566835212557
12/11/2009:MÓNICA BAR.
"Por diante e por detrás", da compañía Máscara Producións de Vigo
Xerome Calero e Antón Casal dirixen e adaptan unha esmendrellante "Noises off", de Michael Frayn, para verdadeir@s amantes do feito teatral.
A obra que calquera profesional soñaría poder montar pero que fai falta ter valor para levala a cabo (e sen subvención da Xunta de Galicia) enfronta un dos tópicos que forman parte case do inconsciente colectivo d@s xentes de teatro. Quen non pensou que o que sen dúbida merecía a pena pór en escena era o que sucedía entre caixas?
E mellor aínda, cómo facer ao público partícipe da complexa armazón teatral.
Pois ben, esta idea desenvolvida cun ritmo trepidante, cun aproveitamento inxenioso dos gags e cunha interpretación excelente, axustada ás necesidades das accións dramáticas, fan deste "Por diante e por detrás" unha peza imprescindible no noso panorama teatral.
Moi necesaria para recuperar ao diezmado público teatral, ao que xa non se lle seduce con faraónicas escenografías, quere ver o "vapor destilando polos poros d@s intérpretes" (o do vapor foi metáfora reciclada da crítica que veño de ler en A Nosa Terra (de onde foi extraído o recadro da ficha técnica).
A versión de Máscara desta peza non ten nada que envexar á xa divertidísima versión dos anos 80, de Amparo Baró e (se a miña memoria non me traizoa) de JM Pou. Que ao seu favor contaban cunha plataforma xiratoria que, obviamente, favorecía o tránsito escénico.
A resolución escenográfica de Máscara é nídia, as estruturas, os útiles, o abaneo dos tabiques, todo se dirixe a demostrar que o teatro é fina convención, un xogo cheo de trampas, e que na medida en que @s intérpretes se divirten co xogo e cos xoguetes, o público fai o mesmo.
Noraboa a Máscara.
(Mónica Bar Cendón é posgraduada en Dirección Interpretativa en el Estudio de Carlos Gandolfo, Buenos Aires. Realizou traballos de interpretación en Madrid, Sevilla, Buenos Aires y Vigo, e foi promotora das primeiras montaxes feministas (La noche de las tríbadas, de P. L. Enqvist y O papel de parede amarelo, de Charlotte Perkins). Dirigió varios cabarets, coordinó el I y II Taller para a Formación de Narradoras en Lingua Galega (1999-2000), participó en la Breve Historia Feminista de la Literatura, con "Escritoras Dramáticas Gallegas: Dramaturgia de la subversión". Como traductora, llevó al gallego Canon de alcoba, de Tununa Mercado. En la actualidad forma parte del consejo de redacción de la revista Festa da palabra silenciada y colabora con La Voz de Galicia, Faro de Vigo y A Nosa Terra, además de impartir clases de interpretación).
